عرب اتحادی فوج نے سعودی عرب پر حوثیوں کا ڈرون حملہ ناکام بنا دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

یمن میں آئینی حکومت کی حمایت کے لیے قائم کردہ عرب عسکری اتحاد نے ایرانی حمایت یافتہ حوثی باغیوں کا ایک بمبار ڈرون تباہ کرکے سعودی عرب پر حملے کی ایک اور کوشش ناکام بنا دی۔

العربیہ ڈاٹ نیٹ کے مطابق عرب اتحادی فوج کے ترجمان کرنل ترکی المالکی نے بتایا کہ حوثی باغیوں نے سعودی عرب میں شہری آبادی پرحملے کے لیے ایک بمبار ڈرون مملکت کی طرف چھوڑ تاہم عرب اتحادی فوج نے فوری کارروائی کرتے ہوئے بمبار ڈرون کو مار گرایا۔

ترجمان نے حوثی باغیوں کی طرف سے ڈرون طیاروں‌کے حملے کوبین الاقوامی قانون کی کھلی خلاف ورزی قرا دیتے ہوئے عالمی اداروں سے حوثیوں‌کی دہشت گردی کا نوٹس لینے کا مطالبہ کیا۔

ادھر یمن کی سرکاری فوج نے کل جمعرات کو جاری ایک رپورٹ میں بتایا ہے کہ حوثی ملیشیا نے صنعا، صعدہ، الجوف اور البیضا میں حوثیوں کے کئی ڈرون طیارے تباہ کیے۔ اس کے علاوہ سعودی عرپ پرحملے کے لیے فضا میں چھوڑے متعدد ڈرون کو فضا میں تبا کیا گیا۔

مقبول خبریں اہم خبریں