.

بحرین کا مراکش کے شہر العیون میں قونصل خانہ کھولنے کا فیصلہ

پہلی اشاعت: آخری اپ ڈیٹ:

بحرین کے فرماں روا شاہ حمد بن عیسی آل خلیفہ نے جمعرات کے روز ٹیلی فون پر مراکش کے فرماں روا شاہ محمد السادس کے ساتھ گفتگو کی۔

بات چیت کے دوران دونوں برادر ممالک اور عوام کے بیچ قریبی برادرانہ تعلقات اور ان کو مضبوط بنانے کے طریقوں کا جائزہ لیا گیا۔

اس موقع پر شاہ حمد بن عیسی نے مراکش کے فرماں روا کو بحرین کے اس فیصلے سے آگاہ کیا کہ وہ مراکش کے شہر العیون میں قونصل خانہ کھولے گا۔ اس حوالے سے دونوں ملکوں کی وزارت خارجہ کے درمیان رابطہ کاری عمل میں آئے گی۔

علاوہ ازیں شاہ حمد نے کرکرات کی گزر گاہ کے علاقے میں مراکش کی خود مختاری اور اس کی اراضی اور عوام کے حقوق و سلامتی کے حوالے سے بحرین کی جانب سے یک جہتی اور سپورٹ کا اظہار کیا۔ انہوں نے مراکش کے صحراء میں کرکرات کے علاقے میں صورت حال معمول پر واپس لانے کے لیے شاہ محمد السادس کے جاری فیصلوں کو گراں قدر قرار دیا۔

ادھر شاہ محمد السادس نے بحرین کے مراکش اور ان کے عوام کی سپورٹ پر مبنی مواقف کے حوالے سے شاہ حمد بن عیسی کے لیے اظہار تشکر کیا۔