.

سعودی وزیرخارجہ کا چلی میں مملکت کے سفیر کی وفات پر اظہار افسوس

پہلی اشاعت: آخری اپ ڈیٹ:

سعودی عرب کے وزیر خارجہ شہزادہ فیصل بن فرحان آل سعود نے جمہوریہ چلی میں تعینات مملکت کے سفیر مانع بن سعد الخامسی کی وفات پر افسوس کا اظہار کرتے ہوئے مرحوم کے خاندان اور سعودی عرب کی سفارتی برادری سے تعزیت کی ہے۔

العربیہ ڈاٹ نیٹ کے مملکت کے وزیر خارجہ کی طرف سے 'ٹویٹر' پر جاری ایک بیان میں‌ چلی میں‌تعینات سعودی سفیر کی وفات پر گہرے دکھ اور افسوس کا اظہار کیا ہے۔ بیان میں الریاض میں وزارت خارجہ کے تمام عہدیداروں اور ملک میں قائم اس کے ذیلی اداروں اور بیرون ملک سفارت خانوں کی طرف سے مانع الخامسی کی وفات پر افسوس کا اظہار کرتے ہوئے مرحوم کی مغفرت اور بلندی درجات کی دعائوں کے ساتھ پسماندگان کے لیے صبر کی دعا کی ہے۔

خیال رہے کہ سعودی عرب کے چلی میں متعین سفیر دو روز قبل حرکت قلب بند ہونے سےانتقال کرگئے تھے۔

الخامسی کو خادم الحرمین الشریفین شاہ سلمان بن عبدالعزیز آل سعود کی طرف سے رواں سال جنوری میں چلی میں مملکت کا سفیر مقرر کیا گیا تھا۔ انہوں نے رواں سال مئی میں چلی کی وزارت خارجہ کے ڈائریکٹر جنرل مارٹ شلھب کو اپنی سفارتی اسناد پیش کی تھیں۔ رواں ماہ پانچ نومبر کو جمہوریہ چلی کے صڈر سبستین پنییرا کو اپنی سفارتی اسناد پیش کی تھیں۔