امارات کے 49 ویں یوم الوطنی کے موقع پر گوگل کا خصوصی ڈوڈل

پہلی اشاعت: آخری اپ ڈیٹ:
مطالعہ موڈ چلائیں
100% Font Size

متحدہ عرب امارات کے 49 ویں قومی دن کی مناسبت سے گوگل نے ایک ڈوڈل شائع کیا ہے جس میں اماراتی جھنڈے کے ساتھ یوم الوطنی پر مبارکباد دی گئی ہے۔

گوگل نے اپنے ہوم پیج پر ایک ڈوڈل شائع کیا جس میں امارات کے لہراتے ہوئے پرچم پر یو اے ای کے قومی رنگوں سے گوگل لکھا گیا ہے۔ گوگل خاص مواقع کے موقع پر ڈوڈل شائع کرتا ہے جس میں ادارے کے لوگو کو مواقع کی مناسبت سے سجایا جاتا ہے۔

یو اے ای 2 دسمبر کو اپنا یوم الوطنی مناتا ہے جس موقع پر ملک بھر میں مختلف تقاریب منعقد کی جاتی ہیں۔ ان تقاریب میں آتشبازی، موسیقی کے ایونٹ اور دیگر تفریح شامل ہے۔

49ویں یوم الوطنی کے موقع پر امارات کے صدر شیخ خلیفہ بن زاید النہیان نے ایک بیان میں کہا کہ "امارات کے اگلے 50 سالوں میں تمام شعبہ جات میں ترقی کے منصوبے جاری رکھے جائیں گے۔ تاکہ سال 2071ء تک امارات دنیا بھر میں معیار زندگی، خوشی اور بہبود کے عالمی چارٹس میں پہلے نمبر پر ہو۔"

یاد رہے کہ کرونا وائرس کے سبب متحدہ عرب امارات میں نجی محافل منعقد کرنے پر پابندی عاید کی گئی ہے۔

مقبول خبریں اہم خبریں