یمن میں آئینی حکومت کےدفاع کے لیے سرگرم عرب اتحاد نے حوثی ملیشیا کے قبضے اور سمندر میں بچھائی گئی ایرانی ساختہ 175 باردوی سرنگیں ناکارہ بنا دیں۔
العربیہ ڈاٹ نیٹ کے مطابق عرب اتحادی فوج نے یمن کے سمندری علاقوں میں سرچ آپریشن کے دوران حوثیوںکی طرف سے بچھائی گئی 'صدف' نامی دسیوں بارودی سرنگیں قبضے میں لی تھیں جنہیں ناکارہ بنا دیا گیا ہے۔ عرب اتحاد کا کہنا ہےیہ بارودی سرنگیں ایران میں تیار کی گئی تھیں۔
بیان میں مزید کہا گیا ہے کہ حوثی ملیشیا کی طرف سے سمندر میں بارودی سرنگوں کی تنصیب کا مقصد عالمی جہاز رانی اور آبی ٹریفک کو خطرے میں ڈالنا ہے۔
گذشتہ بدھ کو یمن کی سرکاری فوج کے بم ڈسپوزل اسکواڈ نے شمالی گورنری الجوف میں خب اور الشعف ڈاریکٹوریٹ میں بڑی تعداد میں بارودی سرنگیں تلف کی تھیں۔
یمنی فوج کے بارودی سرنگوں کی تلفی کے پروگرام انچارج بریگیڈیئر امین العقیلی نے بتایا کہ خب اور الشعف کے مقامات پر سرچ آپریشن کے دوران 250 بارودی سرنگیں قبضے میں لی گئی تھیں جنہیں ناکارہ بنایا گیا ہے۔ ان کا کہنا تھا کہ حوثی ملیشیا کی طرف سے یہ بارودی سرنگیں شہریوں کی زندگی خطرے میںڈالنے کی دانستہ کوشش ہے۔
