عدن ہوائی اڈے پرحملہ پوری یمنی قوم پر حملہ ہے: سعودی عرب

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب نے گذشتہ روز یمن کے عبوری دارالحکومت عدن کے بین الاقوامی ہوائی اڈے پر ہونے والے حملے کو دشمن کی بزدلانہ کارروائی قرار دیتے ہوئے اس کی شدید الفاظ میں مذمت کی ہے۔ سعودی وزارت خارجہ کا کہنا ہےکہ عدن ہوائی اڈے پر یمنی حکومت کے وفد کی آمد کے موقعے پر حملہ کھلم کھلا دہشت گردی ہے یہ حملہ صرف یمنی حکومتی عہدیداروں پر نہیں بلکہ پوری یمنی قوم پرحملہ ہے۔

العربیہ ڈاٹ نیٹ کے مطابق سعودی وزارت خارجہ کی طرف سے پریس کو جاری کردہ ایک بیان میں کہا گیا ہے کہ مملکت عدن ہوائی اڈے پرحملے کو بزدلانہ کارروائی قرار دیتے ہوئے اس کی شدید الفاظ میں مذمت کرتی ہے۔ اس حملے میں متعدد افراد ہلاک اور زخمی ہوئے ہیں۔ یہ حملہ اس وقت کیا گیا جب یمن کی نئی تشکیل پانے والی حکومت کا ایک وفد ہوائی اڈے پر پہنچا تھا۔

بیان میں کہا گیا ہےکہ عدن ہوائی اڈے پرحملہ ایک غدارانہ کارروائی اور یمن کی آئینی حکومت کے خلاف شرپسندی ہے۔ سعودی عرب اس حملے کو پوری یمنی قوم پرحملہ قرار دیتا ہے۔ بیان میں کہا گیا ہےکہ عدن ہوائی اڈے پرحملہ یمن کی خود مختاری، امن، ترقی اور خوشحالی پر حملہ ہے۔

خیال رہےکہ گذشتہ روز یمن کے عبوری دارالحکومت عدن کے بین الاقوامی ہوائی اڈے پر اس وقت حملہ کیا گیا حکومتی وفد ایک ہوائی جہاز کے ذریعے اڈے پر پہنچا تھا۔

مقبول خبریں اہم خبریں