ریاض : سیکورٹی اہل کاروں کا رُوپ دھارنے والے تین شہری پولیس کی تحویل میں

سعودی عرب میں ریاض صوبے کی پولیس نے سیکورٹی اہل کاروں کا بھیس اپنانے والے افراد کو گرفتار کر لیا۔

صوبے کی پولیس کے میڈیا ترجمان میجر خالد الکریدیس کے مطابق یہ کارروائی سوشل میڈیا گردش میں آنے والے ایک وڈیو کلپ کی بنیاد پر کی گئی۔ وڈیو میں تین افراد کے ایک گروہ کو سیکورٹی اہل کاروں کا روپ دھار کر سیکورٹی آلات سے ملتا جلتا سامان استعمال کرتے ہوئے دکھایا گیا ہے۔ اس وڈیو کو سماجی رابطے کی ایک ویب سائٹ پر پوسٹ کیا گیا تھا۔ اس کے نتیجے میں ریاض پولیس نے مذکورہ تینوں افراد کی شناخت کا تعین کر کے انہیں حراست میں لے لیا۔ تینوں افراد سعودی شہری ہیں اور وہ عمر کی دوسری اور تیسری دہائی میں ہیں۔

ترجمان نے واضح کیا کہ استغاثہ کے سامنے پیش کیے جانے کے سلسلے میں تینوں افراد کے خلاف ضابطے کی کارروائی پوری کر لی گئی ہے۔