سعودی عرب کے محکمہ موسمیات کی طرف سے جاری ایک انتباہی بیان میں کہا گیا ہے کہ جمعرات کے روز مکہ معظمہ، نجران، دارالحکومت الریاض اور مشرقی علاقوں میں گرد آلود ہوائیںچلیں گی۔ نچلی سطح کی تیز غبار آلود ہوائوں سے شام تک مختلف اوقاف میں سڑکوں پرویژن متاثر ہوسکتا ہے۔
بیان میں کہا گیا ہے کہ مکہ مکرمہ میں غبار آلود ہوائوں کا پہلا سلسلہ مقامی وقت کے مطابق صبح دس بجے داخل ہوا جو رات آٹھ بجے تک جاری رہے گا۔ اس کے علاوہ پورے نجران، جنوبی بدر، ثار، خباش، شرورہ، حبونا، نجران، دیمہ اور دیگر علاقوں میں شام سات بجے تک گرد آلود ہوائیں چلنے اور اور بعض مقامات پر بارش کا بھی امکان ہے۔
اسی طرح الریاض کے تمام مقامات، السلیل، وادی الدواسر اور دوسرے مقامات پر شام چھ بجے تک تیز گرد آلود ہوائیں چلنے کا امکان ہے۔ مشرقی علاقوں میں الاحسا، الجبیل، الخبر، الخفجی، العدید، النعیریہ، بقیق، حفر الباطن اورالعلا میں شام پانچ بجے تک گردو غبار ہوائیں چلنے کے امکانا ہیں۔
