.

حوثی باغیوں نے 'متنازع' نام کی وجہ سے ہوٹل بند کر دیا

پہلی اشاعت: آخری اپ ڈیٹ:

یمن میں ایرانی حمایت یافتہ حوثی ملیشیا نے دارالحکومت صنعا میں ایک ریستوران یہ کہہ کر بند کر دیا کہ اس کا نام حوثیوں کے مذہبی اور 'ایمانی تشخص' کے خلاف ہے۔

بند کیے گئے ہوٹل کے 'Rainbow' کے ایک مالک نے نام ظاہر نہ کرنے کی شرط پر بتایا کہ حوثی ملیشیا نے ہوٹل کے نام پر اعتراض کیا ہے اور کہا ہے اس طرح کے نام نا مناسب ہیں۔

خیال رہے کہ 'Rainbow' نامی ہوٹل صنعا میں رنگ روڈ پر واقع ہے جو پیسٹری اور گاہکوں کو ناشتے کی سروسز فراہم کرتا ہے۔
ہوٹل کے مالک نے بتایا کہ حوثیوں نے انہیں ایک نوٹس بھیجا ہے جس میں کہا گیا ہے کہ ہوٹل کا نام مذہبی تعلیمات کے خلاف ہے۔ اس کے علاوہ حوثیوں کا کہنا ہے کہ ہوٹل کے نام کے ساتھ بنے لوگو پر'قوس قزح' کی تصویر ہے جوکہ ایک غیر اخلاقی ہے۔