.

جدہ کے ہوائی اڈے پر مسافروں کو رخصت کرنے کے لیے کاغذی جہاز

پہلی اشاعت: آخری اپ ڈیٹ:

سعودی عرب میں جدہ کے شاہ عبدالعزیز بین الاقوامی ہوائی اڈے پر معتمرین حضرات کی واپسی پر مسافروں کا الوداع کہنے کے لیے ایک جدّت کا حامل طریقہ اختیار کیا گیا ہے۔

مذکورہ مسافر لاؤنج "1" میں مختلف نوعیت کے عالمی فن پاروں سے لطف اندوز ہو سکتے ہیں۔ ان میں "کاغذی جہاز" بھی شامل ہیں۔

KSA: Jeddah Airport Paper Planes

جدہ کے شاہ عبدالعزیز ہوائی اڈے نے اپنے ٹویٹر اکاؤنٹ پر بتایا ہے کہ لاؤنج نمبر "1" میں ڈپارچر لاؤنج تک جانے والی گزرگاہ کو مذکورہ "کاغذی جہازوں" کے مقام کے طور پر چنا گیا۔

یہ فنّی نوعیت کا کام 190 کے قریب چھوٹے کاغذی جہازوں پر مشتمل ہے۔ اس کو سعودی فن کار محمد الشمری نے تیار کیا۔ یہ ان مقدس مقامات کی یادوں کی عکاسی کی کوشش ہے جو مملکت سے کوچ کرنے کے وقت ہر زائر کے خیالات میں بسی ہوتی ہیں۔ الوداع کہنے کا یہ تخلیقی فنی عمل لاکھوں لوگوں کو ہوائی اڈے سے رخصت ہوتے ہوئے فن سے لطف اندوز ہونے کا موقع فراہم کرے گا۔

مقبول خبریں اہم خبریں