شامی حکومت کی طرف سے حالیہ مہینوں میں بار بار ان خبروں کی تردید کی جاتی رہی ہے کہ حکومت ایک نیا کرنسی نوٹ لا رہی ہے۔ اس تردید کے باوجود حکومت نے 5000 لیرا مالیت کا نوٹ جاری کیا ہے۔ شامی کرنسی میں یہ اب تک کا سب سے بڑا نوٹ ہے۔ یہ کرنسی نوٹ اتوار سے مارکیٹ میں منتقل کر دیا گیا ہے۔
شامی رجیم کے مالیاتی اداروں نے حالیہ عرصے کے دوران ان خبروں کی سختی سے تردید کی تھی کہ حکومت ایک نیا اور سب سے بڑا کرنسی نوٹ لا رہی ہے۔ اس تردید کی وجہ پہلی سے زوال کا شکار کرنسی کو مزید زوال سے بچانا تھا کیونکہ اگر نوٹ کے آنے سے قبل اس کی خبر کی تصدیق کی جاتی تو شامی لیرا کی قیمت مزید گر جاتی۔
ادھر شام کے مرکزی بنک نے باقاعدہ طور پر نئے کرنسی نوٹ کی منظوری دی ہے۔ یہ کرنسی نوٹ 2018ء میں چھاپہ گیا تھا مگر بعض وجوہ کی بنا پر اسے مارکیٹ میں نہیں لایا گیا۔
خیال رہے کہ شامی کرنسی کی قیمت میں کمی کے بعد 2017ء کو 2000 لیرا مالیت کا کرنسی نوٹ جاری کیا گیا تھا۔ اس کے تین سال کے بعد آج پانچ ہزار لیرا کا نوٹ جاری کیا گیا ہے۔ اس نئے کرنسی نوٹ پر بشارالاسد اور ان کے والد حافظ الاسد کی تصاویر غائب ہیں اور ان کی جگہ ایک سپاہی کی تصویر ہے جو ایک بلیک اینڈ وائٹ شامی پرچم کو سلامی پیش کر رہا ہے۔
اس سے قبل شامی کرنسی کے 1000 لیرا کے نوٹ پر حافظ الاسد اور بشارالاسد کی تصاویر تھیں۔
جہاں تک شامی کرنسی کی امریکی ڈالر کے مقابلے میں قیمت کا تعلق ہے تو بلیک مارکیٹ میں 5000 لیرا دو امریکی ڈالر کے برابر ہے۔ اس سے قبل 2900 لیرا کی ڈالر کے مقابلے میں قیمت 2900 تھی اور قیمت فروخت 2920 جاری کی گئی تھی۔
-
’’شامی کیک‘‘ کی بندر بانٹ: روس، ایران اور ترکی میں مقابلہ
روس کی نگرانی میں شامی اور اسرائیلی وفود کی شام کی سرزمین پر ملاقات مشرق وسطی -
شام :حمص میں تیل اور گیس کی تنصیبات کے نزدیک دھماکوں کے بعد آتش زدگی
شام کے وسطی شہر حمص میں تین زوردار دھماکوں کی آوازیں سنی گئی ہیں۔ابتدائی اطلاعات کے مطابق حمص میں تیل صاف کرنے کے بڑے کارخانے کے تیل ذخیرہ کرنے کے ... مشرق وسطی -
روس کی اسرائیل کو شام میں تعاون کی پیش کش، امریکا سے نہ الجھنے کی یقین دہانی
روس نے اسرائیل پر زور دیا ہے کہ وہ شام میں اگر اپنی سلامتی کے لیے کوئی خطرہ محسوس کرے تو اس کے بارے میں ماسکو کو معلومات فراہم کرے۔ روس شام میں ... بين الاقوامى
