بحر الاحمر ڈویلپمنٹ کمپنی کا اجلاس، افرادی قوت کی تربیت کے طریقہ کار غور

سعودی عرب کی سب سے بڑی اور ڈوپلپمنٹ کمپنی' بحرالاحمر ڈویلپمنپٹ' نے پوری دنیا کے عظیم الشان جدید سیاحتی پروگرام میں سے ایک کا آغاز کیا ہے۔ اس حوالے سے کمپنی کی میزبانی میں پروجیکٹ کے دیگر شرکا ، ماہرین، کنٹریکٹر اور ٹریننگ اور پوائنٹمنٹ سے متعلق حکومتی عہدیداروں پر مشتمل پہلا اجلاس منعقدہ ہوا۔ اجلاس میں نوجوان مردو خواتین کو بحرالاحمر پروجیکٹ کے حوالے سے تربیت فراہم کرنے اور ان کی پیشہ وارانہ صلاحیتوں میں اضافے پر غور کیا گیا۔
گذشتہ روز ریڈ سی پروجیکٹ زون میں کمپنی کے صدر دفتر میں‌ہونے والے اجلاس مختلف کمپنیوں‌کے کنٹریکٹرز، ہیومن ریسورمنٹ وزارت کے مندوبین، وزارت برائے سماجی بہود، ہیومن ڈویلپمنٹ 'ھدف' کے مندوبین، خلیج ماکسیموس برائے ٹریننگ کے عہدیداروں نے شرکت کی۔ اجلاس میں خطے کے نوجوان لڑکوں اور لڑکیوں کو سب سے بڑے سیاحتی منصوبے میں کام کا اہل بنانے اور زیادہ سے زیادہ افراد کو اس میں‌شامل کرنے کے طریقہ کار غور کیا گیا۔
اس موقع پر ریڈ سی ڈویلپمنٹ کمپنی کے 'چیف ایگزیکٹو' مسٹر جان پاگانو نے کہا کہ ہم مملکت کی متنوع اور نئی معیشت کی طرف تبدیلی کے ایک دورے میں داخل ہوگئے ہیں۔اس سے سعودیوں کے لیے بہت سے مواقع پیدا ہوں گے۔ یہ منصوبہ سعودی عرب کی ترقی کی منزل کو اورقریب کردے گا۔ بحر الاحمر ڈویلپمنٹ کمپنی کا ہدف 2030ء تک مملکت میں‌70 ہزار سے زاید نوجوانوں کو روزگار کے مواقع فراہم کرنا ہے۔