.

مقتول لبنانی سماجی کارکن کی ہمشیرہ کا لبنانی عدلیہ پر عدم اعتماد کا اظہار

پہلی اشاعت: آخری اپ ڈیٹ:

لبنان میں حزب اللہ کے ہاتھوں قتل ہونے والے سماجی اور سیاسی کارکن لقمان سلیم کے خاندان نے کہا ہے کہ انہیں لبنان کی عدالتوں سے انصاف کی توقع نہیں۔

العربیہ ڈاٹ نیٹ سے بات کرتے ہوئے مقتول لقمان سلیم کی ہمشیرہ رشا الامیر نے کہا کہ ہمیں اور ہمارے خاندان کو لبنانی عدلیہ سے انصاف کی کوئی امید نہیں اور نہ ہی ہم لبنان کی تحقیقات پر یقین رکھتے ہیں۔

انہوں‌نے کہا کہ ہماری پہلی ترجیح اپنے مقتول بھائی کی تدفین کا طریقہ کار ہے۔ جب ہم ان کی تدفین اور آخری رسومات سے فارغ ہوں‌گے اس کے بعد ہی اس کیس کے بارے میں کوئی پیش رفت کی جاسکے گی۔

خیال رہے کہ مقتول لقمان سلیم حزب اللہ کے سیاسی اورعسکری نظریات کے سخت خلاف تھے اور وہ ہمیشہ ریاست کی خود مختاری کی بات کرتے۔ انہیں حزب اللہ اور اس کے حامیوں کی طرف سے کئی بار سنگین نتائج کی دھمکیاں بھی دی جاتی رہی ہیں تاہم انہوں نے ہمیشہ آزادی اظہار کے حق کا بھرپور استعمال کیا۔

لقمان سلیم کو دو روز قبل بیروت کے قریب ان کی گاڑی میں مردہ حالت میں پایا گیا تھا۔ انہیں فائرنگ کرکے ہلاک کیا گیا ہے۔ ان کے خاندان نے لقمان کے قتل کا الزام حزب اللہ پرعاید کیا ہے۔