.

سعودی وزیر خارجہ کی یونانی وزیراعظم سے ملاقات

پہلی اشاعت: آخری اپ ڈیٹ:

سعودی وزیر خارجہ شہزادہ فیصل بن فرحان نے ایتھنز میں یونان کے وزیراعظم سے ملاقات کی-

فیصل بن فرحان نے یونانی وزیراعظم کو سعودی فرمانروا شاہ سلمان بن عبدالعزیز، ولی عہد نائب وزیراعظم و وزیر دفاع شہزادہ محمد بن سلمان کی طرف سے خیر سگالی کے پیغامات پہنچائے-

یونانی وزیراعظم نے بھی سعودی قیادت، حکومت اور عوام کے لیے خیر سگالی کے جذبات کا اظہار کیا-

انہوں نے مملکت اور یونان کے دو طرفہ تعلقات اور تمام شعبوں میں انہیں فروغ دینے کے امور کا جائزہ لیا- اس دوران دونوں دوست ممالک کی امنگوں کی تکمیل پر بات چیت ہوئی- علاوہ ازیں باہمی دلچسپی کے علاقائی و بین الاقوامی حالات حاضرہ پر بھی تبادلہ خیال ہوا-

یونان میں متعین سعودی سفیر ڈاکٹر سعد العمار اور دفتر خارجہ میں یورپی ممالک کے شعبے کے ڈائریکٹر جنرل سلطان بن خزیم بھی اس موقع پر موجود تھے-