ایتھوپین باشندے نے غلطی سے موصول ہونے والے 65 ہزار ریال سعودی شہری کو لوٹا دیے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب میں ایتھوپیا سے تعلق رکھنے والے ایک غیر ملکی مقیم نے مقامی شہری کو 65 ہزار ریال کی رقم واپس لوٹا دی۔ سعودی شہری نے یہ رقم غلطی سے مذکورہ ایتھوپین باشندے کے بینک اکاؤنٹ میں منتقل کر دی تھی۔

سعودی روزنامے "عکاظ" کے مطابق مقامی شہری غازی الدوسری نے بتایا کہ اس کے سامنے یہ بات آئی کہ یہ رقم جس شخص کے نام منتقل کی گئی تھی وہ اسے موصول نہیں ہوئی۔ بعد ازاں اس نے اپنے بینک سے رجوع کیا جس پر یہ انکشاف ہوا کہ غازی نے یہ رقم غلطی سے ایتھوپیا سے تعلق رکھنے والے ایک غیر ملکی مقیم کے کھاتے میں بھیج دی ہے۔ ایتھوپین باشندے سے رابطہ کرنے پر اس نے فوری طور پر پوری رقم واپس لوٹا دی۔

غازی الدوسری نے اس امانت داری پر ایتھوپین باشندے کا خصوصی شکریہ ادا کیا اور مالی رقم کے ساتھ اس کا اکرام بھی کیا۔ غازی کے مطابق ایتھوپین غیر ملکی کا عمل ایمان داری اور اخلاق حمیدہ کی ایک مثال ہے جس پر سب کو عمل پیرا ہونا چاہیے۔

مقبول خبریں اہم خبریں