العربیہ کی ٹیم کا 'کرونا ویکسین' مرکز کا دورہ

سعودی عرب میں حکومت نے کرونا ویکسین کی فراہمی کے دوسرے مرحلے کے آغاز کے ساتھ ہی ملک بھر میں ویکسین کی فراہمی کے مراکز کا ایک جال بچھا دیا ہے۔

مملکت میں کرونا ویکسین کی فراہمی کا پہلا مرحلہ خوش اسلوبی کے ساتھ مکمل ہونے کے بعد یہ توقع کی جا رہی ہے کہ دوسرا مرحلہ بھی جلد پایہ تکمیل کو پہنچے گا اور مملکت میں زندگی جلد ازجلد معمول پر آجائے گی۔

حکومت کی طرف سے ملک بھر میں جہاں کرونا ویکسین کی فراہمی کے کئی مراکز قائم کیے ہیں وہیں ویکسین لگوانے کے لیے شہریوں‌ کو ہرممکن سہولیات بھی فراہم کی گئی ہیں۔ ویکسین لگوانے کے لیے 'صحتی' ایپلی کیشن کی سہولت فراہم کی گئی ہے جس کی مدد سے شہری ویکسین لگوانے کے لیے اپنی رجسٹریشن کرا سکتے ہیں۔

العربیہ ڈاٹ نیٹ کی ٹیم نے جمعہ کے روز مکہ معظمہ میں کرونا ویکسین مراکز کا دورہ کیا۔ اس موقعے پر ویکسین لگوانے والے ایک بزرگ شہری عابد الشریف نے کہا کہ ویکسین لگوانے پر میں بے حد خوش ہوں اور آج میں نے ویکسین کی پہلی خوراک لگوائی ہے۔ ویکسین لگواتے ہوئے مجھے معمولی تکلیف بھی نہیں‌ ہوئی۔ الشریف نے طبی عملے کے رویے پر بھی خوشی اور اطمینان کا اظہار کیا اور کہا کہ وہ دو ہفتے بعد کرونا ویکسین کی دوسری خوراک لگوائیں گے۔

اس موقعے پر مکہ معظمہ میں‌محکمہ صحت کے رابطہ مرکز کے ترجمان نے بتایا کہ آئندہ اتوار کو مکہ معظمہ میں کرونا ویکسین کے مزید 4 مراکز قائم کا افتتاح کیا جائے گا۔