.

سعودی عرب کے باشندوں نے 'سفید مہمان' کا استقبال کیسے کیا؟

پہلی اشاعت: آخری اپ ڈیٹ:

سعودی عرب کے بعض علاقوں‌میں گذشتہ روز ہونے والی برف باری نے زائرین ، سیاحوں اور دیگر شہریوں کے مزاج پر خوش گوار اثرات ڈالے۔ شہریوں‌نے برف باری کی شکل میں آنے والے 'سفید مہمان' کا پورے جوش وجذبے کے ساتھ استقبال کیا۔

شہریوں‌نے برف کے مجسمے بنا کر مملکت کی ثقافت کو اجاگر کرنے کی منفرد کوشش کی ہے۔ یہ تصاویر سوشل میڈیا پر بھی خوب وائرل ہوئی ہیں۔


شہریوں‌ نے برف باری کے موقعے پر اپنے اپنے منفرد انداز میں اس جشن کا اظہار کیا۔ سماجی کارکنوں نے برف کے مجسموں کو ماسک پہنا کر کرونا سے بچائو کی اہمیت کو اجاگر کرنے کی کوشش کی ہے۔

برف باری سے قبل ہی شہریوں کی نظریں ملک کے شمالی علاقوں نیوم، علقان، جبل اللوز اور دوسرے پہاڑی علاقوں‌ پر مرکوز تھیں۔

سعودی فوٹو گرافر فہد العساف نے مملکت کے شمالی علاقوں میں ہونے والی برف باری اور اس موقعے پر شہریوں کے جشن کے مناظر کو کیمرے کی آنکھ میں محفوظ کیا ہے۔

بدھ اور جمعرات کے ایام میں سعودی عرب کے شمالی علاقے الظہر، علقان اور دوسرے مقامات پر بارش ہوئی۔ شہریوں نے برف باری سے خوف لطف اٹھایا۔