.

سعودی عرب میں پولیس کو دھمکانے والا منشیات فروش گرفتار

پہلی اشاعت: آخری اپ ڈیٹ:

سعودی عرب میں پولیس نے دارالحکومت الریاض میں پولیس کے سامنے اسلحہ لہرانے میں ملوث ملزم کو گرفتار کرلیا گیا ہے۔

الریاض پولیس کے ترجمان میجر خالد الکریدس نے بتایا کہ دارالحکومت الریاض میں ایک کالونی میں گشت کے دوران پولیس نے ایک مشتبہ کار کا تعاقب کیا۔ اس پرکار کے ڈرائیور نے پولیس کو اسلحہ دکھایا اور پولیس اہلکاروں کو دھمکانے کی کوشش کی۔

ترجمان نے بتایا کہ پولیس نے ملزم کو گرفتار کرلیا۔ اس کی عمر 40 سال کے درمیان ہے اور اس کے قبضے سے ایمفٹامین کی 3568 گولیاں اور 1500 گرام چرس، ایک پستول، اس کی گولیاں ضبط کی گئیں جب کہ ملزم کے زیراستعمال گاڑی بھی چوری شدہ ہے۔ ملزم کے خلاف قانونی کارراوئی شروع کردی گئی ہے۔ جلد ہی اسے عدالت میں پیش کیا جائے گا۔