.

نئے سعودی وزیر حج قانون میں پی ایچ ڈی کے ساتھ وسیع انتظامی تجربہ کے حامل ہیں

پہلی اشاعت: آخری اپ ڈیٹ:

خادم حرمین شریفین شاہ سلمان بن عبدالعزیز نے گذشتہ روز کئی شاہی فرامین جاری کیے۔ ایک شاہی فرمان کے تحت ڈاکٹر عصام بن سعید کو قائم مقام وزیر حج وعمرہ مقرر کیا گیا۔

حکم نامہ کے مطابق ڈاکٹر عصام بن سعد بن سعید وزیر مملکت و رکن کابینہ کا منصب بھی پاس رکھیں گے اور ان کے پاس قائم مقام وزیر حج وعمرہ کا چارج بھی ہو گا۔

یاد رہے ڈاکٹر عصام 11 مارچ 2015 سے 13 جولائی 2015 تک وزیرآباد کاری اور 3 اپریل 2016 سے 3 اکتوبر2017 تک وزیر شہری خدمات رہ چکے ہیں۔

مختصر سوانحی خاکہ

ڈاکٹر عصام نے کنگ سعود یونیورسٹی میں مینجمنٹ سائنس فیکلٹی سے گریجویشن کی ڈگری حاصل کر رکھی ہے۔ وہ قاہرہ یونیورسٹی کی فیکلٹی آف لا سے آئینی قانون میں ایم فل جبکہ قاہرہ ہی سے جنرل قانون میں پی ایچ ڈی کر چکے ہیں۔

ڈاکٹر عصام نے منسٹرز کونسل کے قانون کی تیاری میں حصہ لیا تھا۔ وہ قانون اور معیشت کے شعبے میں سپیشلسٹ ٹریننگ کورسز، سیمیناروں اور کانفرنسوں میں شرکت کرتے رہے ہیں۔

ڈاکٹر عصام منسٹرز کونسل کے ماتحت ماہرین بورڈ میں لا ریسرچر بھی تعینات رہے ہیں بعد ازاں منسٹرز کونسل ماہرین بورڈ کا قائم مقام سربراہ بنایا گیا اور پھر ماہرین بورڈ کا سربراہ مقرر کیا گیا۔