طائف: تجارتی مرکز میں لڑکیوں کو ہراساں کرنے کے الزام میں چار افراد گرفتار

مکہ معظمہ کی پولیس نے طائف گورنری میں ایک کاروباری مرکز میں دو لڑکیوں کو ہراساں کرنے کے الزام میں‌ گرفتار کرکے ان سے پوچھ تاچھ شروع کی ہے۔ چاروں ملزمان کو ایک ویڈیو میں لڑکیوں کو ہراساں کرتے دیکھا گیا تھا۔ یہ ویڈیو سوشل میڈیا پر وائرل ہوئی تھی جس کے بعد پولیس نے اس پر کارروائی کی۔
مکہ معظمہ کی پولیس کے ترجمان نے بتایاکہ چار ملزمان کو لڑکیوں کو فحش اشارے کرتے اور حیا باختہ انداز میں لڑکیوں کو گھورتے دیکھا جاسکتا ہے۔
پولیس نے چاروں ملزمان کی شناخت کے بعد ان کی گرفتاری کے لیے ان کے گھروں پر چھاپے مارے۔ ان کی عمریں 20 اور 30 سال کے درمیان ہیں۔