روس کے لڑاکا جیٹ نے اتوار کو شام کے شمال مغرب میں حزب اختلاف کے زیر قبضہ علاقوں پر بمباری کی ہے۔عینی شاہدین اور حزب اختلاف کے ذرائع کے مطابق ترکی کی سرحد کے نزدیک واقع علاقے میں فضائی حملہ کیا گیا تھا۔
ذرائع کا کہنا ہے کہ صوبہ ادلب میں واقع سرمدہ شہر کے نواح میں ایک سرحدی گذرگاہ کے نزدیک لڑاکا جیٹ نے بمباری کی ہے۔اس کے علاوہ ترکی کی سرحد کے نزدیک واقع گاؤں قاح میں زمین سے زمین پرمار کرنے والا ایک میزائل گرا ہے۔فوری طور پر اس حملے میں کسی جانی نقصان کی اطلاع نہیں ہے۔
