سعودی عرب میں پاکستانی خاتون کو لوٹنے کی ویڈیو جاری، مُجرم گرفتار

سعودی عرب میں سوشل میڈیا پر ایک ویڈیو وائرل ہوئی ہے جس میں راہ چلتے ایک خاتون پرایک شخص کو حملہ کرتے اور اس سے اس کا پرس چھین کر فرار ہونے کی کوشش کرتے دیکھا جاسکتا ہے۔

سعودی عرب میں ٹویٹر پر سامنے آنے والی اس ویڈیو پر سخت رد عمل ظاہر کیا گیا ہے۔

ویڈیو میں دیکھا جا سکتا ہے کہ راہ گیر خاتون اپنی بچی کے ہمراہ سڑک پر چل رہی تھی۔ اچانک ایک شخص اس پر جھپٹ پڑا اور اسے زمین پر گرانے کی کوشش کی اور اس کا پرس چھین لیا۔ صارفین نے اس واقعے پر سخت غم وغصے کا اظہار کرتے ہوئے مجرم کے خلاف سخت کارروائی کا مطالبہ کیا ہے۔

دوسری طرف الریاض کے علاقے کے پولیس ترجمان میجر خالد الکریدیس نے بتایا ہےکہ ملزم کو اس واقعے کے چند گھنٹے بعد گرفتار کرلیا ہے جب کہ متاثرہ خاتون کی بھی شناخت کی گئی ہےجو پاکستانی نژاد ہے۔ ملزم کی عمر تیس سال کے درمیان ہے اور اس کا تعلق افریقی ملک چاڈ سے ہے۔