.

سعودی عرب اور سوڈان کی جدہ میں مشترکہ فوجی مشقوں کا آغاز

پہلی اشاعت: آخری اپ ڈیٹ:

سعودی عرب اور برادر ملک سوڈان کی مسلح‌افواج پر مشتمل کل اتوار سے جدہ میں مشترکہ فوجی مشقوں کا آغاز ہوا ہے۔'فلک 4' کے عنوان سے ہونے والی ان مشقوں میں سعودی عرب کی شاہی نیول فورس اور سوڈان کی مغربی بیڑے پر تعینات افواج حصہ لے رہی ہیں۔ مشقوں کا آغاز سعودی عرب کے مغربی بیڑے کے کمانڈر میجرل جنرل یحییٰ بن محمد العسیری کی نگرانی میں شاہ فیصل نیول ایئربیس پر شروع ہوئیں۔

اس موقعے پر مشقوں کے کمانڈر بریگیڈیئر جنرل ھزاع بن قطیم المطیری نے کہا کہ سوڈان اور سعودی افواج کی مشترکہ مشقوں کا مقصد عسکری مہارتوں اور تجربات کا تبادلہ کرنا اور دونوں ممالک کی سمندری تحفظ کو لاحق چیلنج کا مقابلہ کرنے کی تیاری کرنا ہے۔

ان کا کہنا تھا کہ ان مشقوں کا مقصد میرینز کے خصوصی سمندری سیکیورٹی یونٹس ، نیول ایوی ایشن گروپ ، سپورٹ ویسلز گروپ کے ساتھ مشترکہ مشقوں کے نفاذ کے ذریعے تصورات کو یکجا کرنا اور تجربات کا تبادلہ کرنا ہے۔