سعودی کنٹرول اینڈ اینٹی کرپشن اتھارٹی کے زیر انتظام متعدد فوجداری مقدمات

سعودی عرب میں کنٹرول اینڈ اینٹی کرپشن اتھارٹی کے ذمے دار ذرائع کے بیان کے مطابق اتھارٹی نے گذشتہ عرصے کے دوران میں فوجداری کے متعدد کیسوں کا آغاز کیا۔ اس حوالے سے جرائم کے مرتکب افراد کے خلاف ضابطے کے مطابق اقدامات مکمل کیے جا رہے ہیں۔

مذکورہ کیسوں میں دس کیس نمایاں ترین ہیں۔ ان کیسوں میں سرکاری اہل کار، بینک اہل کار، یونیورسٹی ملازمین، کاروباری شخصیات، غیر ملکی انجینئر، ہوائی اڈے کا اہل کار، کسٹم اہل کار، محکمہ پاسپورٹ کا اہل کار، ریٹائرڈ پولیس اہل کار اور مقامی شہری ملوث ہیں۔ ان افراد نے مجموعی طور پر کروڑوں ریال کی بدعنوانی اور بے مالی بے ضابطگی کا ارتکاب کیا۔

کنٹرول اینڈ اینٹی کرپشن اتھارٹی نے باور کرایا ہے کہ سرکاری مال ہر ہاتھ صاف کرنے والے یا عہدے سے ناجائز فائدہ اٹھانے والے عناصر کے خلاف سخت کارروائی کا سلسلہ جاری رہے گا۔ ریٹائر ہو جانے سے مالی اور انتظامی بدعنوانی سے متعلق جرائم ختم نہیں ہو جاتے۔ اتھارٹی خلاف ورزیوں اور بے ضابطگیوں کے مرتکب افراد کے خلاف بِنا کسی تساہل کے قانونی تقاضے پورے کرنے کے لیے پُر عزم ہے۔