.

مسجد حرام : شکایات اور اطلاعات کی وصولی کے لیے "واٹس ایپ" سروس کا آغاز

پہلی اشاعت: آخری اپ ڈیٹ:

مسجد حرام اور مسجد نبوی کے امور کے نگرانِ اعلی شیخ ڈاکٹر عبدالرحمن بن عبدالعزيز السديس نے گذشتہ روز "واٹس ایپ" سروس کا افتتاح کیا ہے۔ اس کا مقصد مسجد حرام میں کارروائیوں اور خدمات سے متعلق تمام شکایات اور اطلاعات کا وصول کرنا ہے۔

شیخ السدیس نے واضح کیا کہ اس سروس کے ذریعے تمام قابل توجہ امور کی نشان دہی اور ان کی فوری درستی آسان ہو سکے گی۔ ساتھ ہی حرم مکی میں انتظامیہ کی جانب سے زمینی کنٹرول اور خدمات کو زیادہ بہتر بنایا جا سکے گا۔

اس سے قبل مسجد حرام کی انتظامیہ نے ٹول فری نمبر 1966 جاری کیا تھا۔ اس کے ذریعے ہر قسم کی شکایت یا قابل توجہ امر کی نشان دہی کی جاسکتی ہے۔