.

سعودی عرب: نیشنل میوزک بینڈ میں شمولیت درخواستیں جمع کرا نے کا سلسلہ جاری

پہلی اشاعت: آخری اپ ڈیٹ:

سعودی عرب کے نیشنل میوزک کمیشن نے کہا ہے کہ قومی موسیقی بینڈ میں شمولیت کے لیے نوجوان مردو خواتین کی طرف سے درخواستیں دینے کا سلسلہ جاری ہے، جس سے ظاہر ہوتا ہے کہ مملکت میں شہریوں کا موسیقی کی طرف رحجان اور اس میدان میں مہارتوں میں اضافہ ہو رہا ہے۔ نیشنل میوزک کمیشن کا کہنا ہے کہ نیشنل میوزک بینڈ میں‌ مردو خواتین سے آن لائن پلیٹ فارم' https://enage.moc.gov.sa/music' پر درخواستیں وصول کی جا رہی ہیں۔ درخواستیں وصول کرنے کی آخری تاریخ 30 مئی 2021ء ہے۔ تاہم درخواستوں کی منظوری ماہرین کی ایک ٹیم کی نگرانی میں کی جائے گی۔
اس اقدام کا مقصد مملکت کے ہُنر مندوں اور موسیقی کے میدان میں دلچسپی رکھنے والے افراد کی حوصلہ افزائی کرتے ہوئے انہیں اس میدان میں اپنی صلاحیتوں کو منوانے کا موقع فراہم کرنا اور ان کی پیشہ وارانہ بنیادوں پر تربیت کرنا ہے۔
قومی موسیقی بینڈ میں شمولیت کے لیے درخواست دینے کی شرائط مقرر ہیں۔ درخواست گذار کی کم سے کم عمر 18 سال ہو اور مشرقی موسیقی کے کسی راگ کا ماہر ہو اور اسے موسیقی کے اپنے تجربات پر مشتمل دو منٹ کا ویڈیو کلپ بھی اپ لوڈ کرنا ہوگا۔
اتھارٹی اس اقدام کے ذریعے ایک طرف مقامی موسیقی کی ثقافت کے اظہار اور اس کے فروغ کو موقع دیتے ہوئے نیا ٹیلنٹ پیدا کرنا ہے وہیں مملکت کی موسیقی کے میدانوں میں علاقائی اور عالمی سطح پر نمائندگی کرنا ہے۔