عراق: ملٹری انٹیلی جنس کے معاون ڈائریکٹر پر قاتلانہ حملہ

بغداد کے جنوب میں آج ہفتے کے روز عراقی ملٹری انٹیلی جنس کے ڈائریکٹر کے معاون کو ہلاک کرنے کی کوشش کی گئی تاہم وہ اس حملے میں محفوظ رہے۔

عراقی سرکاری خبر رساں ایجنسی کے مطابق سیکورٹی ذرائع نے بتایا ہے کہ "وزارت دفاع میں ملٹری انٹیلی جنس کے معاون ڈائریکٹر بریگیڈیر جنرل زید المکصوصی پر قاتلانہ حملہ بغداد کے جنوب میں واقع دیالیٰ پُل کے علاقے میں ہوا"۔

مقامی ذرائع ابلاغ کے مطابق تین "سلواڈور" گاڑیوں نے المکصوصی کی سواری کو اس وقت نشانہ بنایا جب وہ واسط صوبے سے واپس آ رہے تھے"۔

ذرائع نے مزید بتایا کہ سیکورٹی فورس نے جائے وقوع کو گھیرے میں لے لیا۔ اس دوران حملہ کرنے والی ایک گاڑی کو قبضے میں لے لیا گیا اور حملہ آوروں میں سے تین کو گرفتار کر لیا گیا۔

یہ واقعہ ایسے وقت پیش آیا ہے جب عراق کو ابھی تک کئی سیکورٹی چیلنجوں کا سامنا ہے۔ خواہ وہ ملک کے مختلف علاقوں میں بعض کارروائیاں کرنے والی داعش تنظیم ہو یا پھر ایران نواز ملسح گروپ ہوں جو وقتا فوقتا ملک میں مسلح حملے کرتے رہتے ہیں۔