کرونا وبا کی تیسری لہر، سلطنت عمان میں تجارتی سرگرمیوں پر پابندی میں توسیع

عرب سلطنت عمان نے کرونا وبا کا مقابلہ کرنے کے لیے تمام تجارتی سرگرمیوں پر پابندی کے فیصلے میں توسیع کر دی ہے۔ آٹھ اپریل سے شہریوں اور مقیم غیر ملکیوں کے ملک میں داخلے پر پابندی کا بھی فیصلہ کیا گیا ہے۔

سلطنت آف عمان نے کرونا کا مقابلہ کرنے کے لیے رمضان بھر میں شام 9 بجے سے صبح 4 بجے تک کرفیو کا اعلان کیا ہے۔ ماہ صیام کے دوران مساجد میں تراویح پر پابندی، مساجد اور دیگر پبلک مقامات پر افطار پارٹیوں‌ پر پابندی اور دیگر مذہبی اجتماعات منعقد کرنے پر بھی پابدی عاید کی گئی ہے۔

قبل ازیں 29 مارچ کو سلطنت عمان میں کرونا پر قابو پانے کے لیے قائم کردہ اعلی اختیاراتی کمیٹی نے ریاست میں تمام سرکاری اور نجی دفاتر میں ملازمین کی 50 فی صد حاضری کے استثنیٰ کا حکم دیا تھا۔ کمیٹی نے کرونا کا مقابلہ کرنے کے لیے سرکاری اور نجی کھیلوں کی سرگرمیاں معطل کر دی تھیں۔ کمیٹی نے تمام اسکول بند کرنے اور فاصلاتی تعلیمی عمل شروع کرنے پر زور دیا تھا۔