.

سعودی عرب کی سمت بھیجا جانے والا حوثیوں کا ڈرون طیارہ تباہ کر دیا: عرب اتحاد

پہلی اشاعت: آخری اپ ڈیٹ:

یمن میں آئینی حکومت کی حمایت کرنے والے عرب اتحاد نے اتوار کو علی الصبح اعلان کیا ہے کہ حوثی ملیشیا کی جانب سے سعودی عرب کی سمت بھیجا جانے والا ایک دھماکا خیز ڈرون طیارہ فضا میں ہی تباہ کر دیا گیا۔

عرب اتحاد نے واضح کیا ہے کہ ایران نواز ملیشیا کی ان کوششوں کا مقصد منظم اور دانستہ طور پر شہریوں اور شہری تنصیبات کو نشانہ بنانا ہے۔

اتحاد نے باور کرایا کہ شہریوں کے تحفظ کے لیے بین الاقوامی انسانی قانون کے مطابق مطلوبہ عملی اقدامات کیے جا رہے ہیں۔

جمعے کے روز بھی عرب اتحاد نے سعودی عرب میں جازان کی سمت داغے گئے بیلسٹک میزائل کو فضا میں تباہ کر دینے کا اعلان کیا تھا۔