.

عراق:امریکی کنٹریکٹروں کے زیراستعمال بلد کے فوجی ہوائی اڈے پر راکٹ حملہ

پہلی اشاعت: آخری اپ ڈیٹ:

عراق کے دارالحکومت بغداد سے شمال میں واقع بلد کے فوجی ائیربیس پر اتوار کو راکٹوں سے حملہ کیا گیا ہے۔یہ فوجی اڈا امریکی کنٹریکٹروں کے زیراستعمال ہے۔

عراق کے سکیورٹی حکام کے مطابق بلد کے فوجی اڈے پر پانچ کاتیوشا راکٹ داغے گئے ہیں اور یہ امریکی کنٹریکٹروں کے زیراستعمال حصے میں گرے ہیں لیکن فوری طور پران سے کسی جانی نقصان کی کوئی اطلاع نہیں ہے۔

فوری طور پر کسی گروپ نے اس راکٹ حملے کی ذمے داری قبول کرنے کا دعویٰ نہیں کیا ہے لیکن عراقی حکام کے بہ قول ماضی میں ایران سے وابستہ مسلح گروپ اس طرح کے راکٹ حملوں کی ذمے داری قبول کرتے رہے ہیں۔