سعودی عرب میں حکام نے پڑوسی ملک لبنان سے منشیات کی بھاری مقدار مملکت میں اسمگل کرنے کی کوشش ناکام بناتے ہوئے 'ایم فیٹامین' کی لاکھوں گولیاں قبضے میں لے لی ہیں۔
سعودی عرب کے جنرل ڈائریکٹوریٹ برائے نارکوٹکس کنٹرول کے ترجمان کیپٹن محمد النجیدی نے بتایا ہے کہ مملکت میں منشیات کی اسمگلنگ کوشش ناکام بناتے ہوئے ایم فیٹامن نامی منشیات کی 2،466،563 گولیاں قبضے میں لے لی ہیں۔ یہ کارروائی جنرل اتھارٹی کسٹمز کے تعاون سے دمام کی شاہ شاہ عبد العزیزبندرگاہ کی انتظامیہ کے ساتھ مل کر کی گئی۔ منشیات لبنان سے آنے والے انار کے پھلوں کی کھیپ میں چھپائی گئی تھی۔
منشیات
جنرل ڈائریکٹوریٹ آف نارکوٹکس کنٹرول کے ترجمان نے بتایا کہ اسمگلنگ کی کوشش میں ملوث پانچ افراد کو حفر الباطن گورنری میں گرفتار کیا گیا۔ان میں ایک مقامی اور چار غیرملکی ہیں۔
#مكافحة_المخدرات تحبط محاولة تهريب (2,466,563) قرص إمفيتامين مخدر، وتضبطها، بالتنسيق مع الجمارك السعودية @SaudiCustoms ، مخفية داخل شحنة فاكهة رمان قادمة من لبنان. #الحرب_على_المخدرات pic.twitter.com/o7NgQZ0Xrq
— وزارة الداخلية (@MOISaudiArabia) April 23, 2021
النجیدی نے کہا کہ گرفتار ملزمان کے خلاف قانونی کارروائی شروع کردی گئی ہے اور انہیں تفتیش کے لیے پبلک پراسیکیوشن کے حوالے کردیا گیا ہے۔
