سعودی دفاعی نظام نے حوثیوں کی جانب سے بھیجا جانے والا دھماکا خیز ڈرون تباہ کر دیا

سعودی عرب کے فوجی دفاعی نظام نے آج بدھ کو علی الصبح مملکت کی سمت بھیجا جانے والا ایک دھماکا خیز ڈرون طیارہ تباہ کر دیا۔

یمن میں آئینی حکومت کی حمایت کرنے والے عرب اتحاد نے بین الاقوامی انسانی قانون کی ان بڑی خلاف ورزیوں پر روشنی ڈالی جن کا ارتکاب حوثی ملیشیا شہریوں کو نشانہ بنانے کی کوشش کی صورت میں کر رہی ہے۔

عرب اتحاد نے اتوار کے روز بھی مملکت کے جنوبی علاقے کی سمت بھیجے جانے والے حوثیوں کے ایک دھماکا خیز ڈرون طیارے کو تباہ کر دینے کا اعلان کیا تھا۔

اتحاد نے باور کرایا تھا کہ وہ شہریوں کے تحفظ کے لیے بین الاقوامی انسانی قانون کے مطابق عملی اقدامات کر رہا ہے۔

یاد رہے کہ ایران نواز حوثی ملیشیا نے حالیہ عرصے میں سعودی عرب میں شہری اور اقتصادی تنصیبات کو نشانہ بنانے کی کوششیں تیز کر دی ہیں۔ ان کوششوں پر کئی عرب اور مغربی ممالکت کی جانب سے مذمت سامنے آئی ہے۔ ان ممالک نے زور دے کر کہا ہے کہ وہ دہشت گرد حوثیوں کے ان حملوں کے خلاف سعودی عرب اور اس کے امن کے ساتھ کھڑے ہیں۔