.

سعودی عرب کے وزیر ثقافت کی یونانی صدر سے ملاقات

پہلی اشاعت: آخری اپ ڈیٹ:

سعودی عرب کے وزیر ثقافت شہزادہ بدر بن عبد اللہ بن فرحان نے یونان کے دو روزہ دورے کے دوران ایتھنز میں جمہوریہ یونان کے صدرایکٹیرنی سکیلاروپولو سے ان کے صدارتی محل میں ملاقات کی۔ سعودی وزیر ثقافت دو روز تک یونان میں قیام کریں گے جہاں وہ دیگر اعلیٰ عہدیداروں سے بھی ملاقاتیں کریں گے۔ ان ملاقاتوں میں دونوں‌ممالک کے درمیان ثقافتی تعاون کے فروغ پر تبادلہ خیال کیا جائے گا۔

یونانی صدر سے ملاقات کے دوران شہزادہ بدر بن عبد اللہ بن فرحان نے خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز کی طرف سے یونانی قوم اور قیادت کے لیے نیک تمناؤں کا پیغام پہنچایا۔ سعودی نیوز ایجنسی 'ایس پی اے' کے مطابق وزیر ثقافت اور یونانی صدر کے درمیان ہونے والی ملاقات میں دونوں ممالک کے تاریخی تعلقات کو مزید فروغ دینے پر بھی تبادلہ خیال کیا گیا۔