کیا حسن نصراللہ کرونا وبا کا شکار ہوگئے ہیں؟

لبنانی شیعہ ملیشیا حزب اللہ کے سیکرٹری جنرل حسن نصراللہ کی ایک نئی ویڈیو سامنے آئی ہے جس میں وہ بری طرح کمزوری اورنقاہت کا شکار ہیں۔ سوشل میڈیا پران کی صحت کےحوالے سے کئی قسم کی قیاس آرائیاں کی جا رہی ہیں۔ وہ کئی روز سے اپنے عوامی خطابات اور تقریروں یا ٹی پر دکھائی نہیں دیئے ہیں۔

بعض کارکنوں نے سوشل میڈیا کے ذریعے استفسار کیا ہے کہ کیا حسن نصراللہ کرونا وبا کا شکار ہوگئے ہیں؟۔ حسن نصراللہ کے زکام کی حالت سے ظاہر ہوتا ہے کہ وہ وبا کی لپیٹ میں ہیں۔

خود حسن نصراللہ نے 'شدید زکام' کا اعتراف کیا ہے اور 'یوم القدس' کے بعد سے وہ بات چیت سے گریز کررہے ہیں۔ انہوں نے 'مزاحمت اور یوم م آزادی' کےموقعے پربھی کوئی خاص پیغام جاری نہیں کیا ہے۔ ان کا کہنا ہے کہ میں شدید زکام کا شکار ہوں اور میرے لیے بات چیت اور خطاب مشکل ہے۔

ادھر حسن نصراللہ کے بیٹے جواد نصراللہ نے ٹویٹر اکاؤنٹ کے ذریعے اپنے والد کی صحت کے بارے میں اٹھائے جانے والے سوالات کومسترد کردیا ہے۔ ان کا کہنا ہے کہ حسن نصراللہ محض الرجی کا شکار ہیں۔ انہیں اور کوئی مسئلہ نہیں۔