بحر احمر کے جنوب میں حوثیوں کا بارودی کشتیوں کے ذریعے حملہ ناکام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں آئینی حکومت کو سپورٹ کرنے والے عرب اتحاد نے آج ہفتے کے روز اعلان کیا ہے کہ بحر احمر کے جنوب میں حوثی ملیشیا کی دو دھماکا خیز کشتیوں کے ذریعے حملے کی کوشش ناکام بنا دی گئی۔

عرب اتحاد نے مزید بتایا کہ اس نے گولہ بارود سے بھری دونوں ڈرون کشتیوں کو حملے سے پہلے ہی یمن میں الصلیف کی بندرگاہ کے سامنے تباہ کر دیا۔

اتحاد کے مطابق حوثی ملیشیا کی جانب سے سمندری جہاز رانی اور عالمی تجارت کے لیے سنگین خطرات پیدا کرنے کا سلسلہ جاری ہے۔

اس سے قبل گذشتہ پیر کے روز عرب اتحاد نے اعلان کیا تھا کہ بحر احمر کے جنوب میں حوثی ملیشیا کی جانب سے دھماکا خیز کشتی کے ذریعے حملے کی کوشش ناکام بنا دی گئی۔

اتحاد نے زور دیا تھا کہ حوثی ملیشیا اسٹاک ہوم معاہدے کی آڑ میں الحدیدہ سے معاندانہ حملے کر رہی ہے۔

عرب اتحاد کی مشترکہ فورسز کی قیادت بارہا باور کرا چکی ہے کہ وہ شہریوں اور شہری تنصیبات کے تحفظ کے لیے بین الاقوامی انسانی قانون کے مطابق مطلوبہ عملی اقدامات کر رہا ہے۔

مقبول خبریں اہم خبریں

مقبول خبریں