یمن میں آئینی حکومت کی حمایت کرنے والے عرب اتحاد کے ترجمان بریگیڈیئر جنرل ترکی المالکی نے باور کرایا ہے کہ حوثی ملیشیا فرضی کامیابیوں کے من گھڑت دعوے پھیلا رہی ہے۔
العربیہ سے گفتگو کرتے ہوئے المالکی کا کہنا تھا کہ حوثیوں کی جانب سے کیے جانے والے اس پروپیگنڈے کا مقصد اپنے عناصر کا حوصلہ بلند کرنا ہے۔
ترجمان نے مزید کہا کہ "حوثی ملیشیا اس وقت اپنے زیر قبضہ علاقوں میں مذکورہ جھوٹے دعوؤں سے عوامی غصے کو ٹھنڈا کرنے کی کوشش کر رہی ہے"۔
المالکی کے مطابق حوثی ملیشیا میڈیا کے ذریعے کامیابی کے جھوٹے اور من گھڑت دعوے پھیلا رہی ہے تا کہ حقیقی زمینی صورت حال کو چھپا سکے ،،، دہشت گرد ملیشیا مارب اور الجوف کے صوبوں میں اپنے بھاری جانی اور مادی نقصان پر پردہ ڈالنا چاہتی ہے۔ مذکورہ دونوں صوبوں میں حوثیوں کی 4000 سے زیادہ عسکری گاڑی اور سواریاں تباہ ہو چکی ہیں۔
ترجمان نے باور کرایا کہ گذشتہ چھ ماہ کے دوران میں عرب اتحاد کی فوجی کارروائیوں میں حوثی ملیشیا کے 20 ہزار سے زیادہ ارکان ہلاک اور زخمی ہوئے۔
