.

سعودی عرب کے دارالحکومت الریاض میں محافل موسیقی بحال

پہلی اشاعت: آخری اپ ڈیٹ:

سعودی عرب میں جمعرات تین جون سے دارالحکومت الریاض میں محافل موسیقی کی بحالی کا اعلان کیا ہے۔

سعودی عرب میں جنرل انٹرٹینمنٹ اتھارٹی نے متعدد سعودی اور عرب فنکاروں کی شرکت سے ریاض کے محافل موسیقی واپس کرنے کا اعلان کیا۔

الریاض میں ہونے والے موسیقی کنسرٹ میں فن کار نبیل شعیل اور گلوکارہ اصالہ نصری موسیقی کےجوہر دکھائے جب کہ الریاض میں ایک دوسرا کنسرٹ آج جمعہ کو ہوگا جس میں فن کار محمد عبدہ فن کا مظاہرہ کریں گے۔

KSA
KSA

انٹرٹینمنٹ اتھارٹی کے مطابق ’روٹانا‘ کے زیر اہتمام منعقد ہونے والی محافل میں ’کرونا ایس اوپیز‘ کا خاص خیال رکھا جاتا ہے۔ محافل موسیقی میں شرکت کرنے یا حصہ لینے والے فن کاروں کے لیے ضروری ہے کہ انہوں نے ویکسین لگوائی ہو۔ ’توکلنا‘ ایپ پر رجسٹریشن کی ہو اور جن فن کاروں نے ابھی تک ویکسین نہیں لگوائی انہوں نے’فن بکس‘ میں اپنی رجسٹریشن کی ہو۔

اتھارٹی کے سربراہ ترکی آل الشیخ نے "ٹویٹر" پرایک خصوصی ہدایت نامہ میں "تفریح" کے ذریعہ قائم کردہ پروٹوکول کے مطابق موسیقی پروگرامات کی واپسی کا اعلان کیا۔ انہوں نے ایونٹ کے منتظمین اور زائرین سے کرونا پروٹوکول پرسختی سے عمل درآمد کی ہدایت کی اور محافل موسیقی میں صرف 40 فی صد حاضری کی اجازت دی۔ محافل میں شرکت کے دوران سماجی فاصلہ اختیار کرنے اور ماسک پہننے پر بھی زور دیا۔