.
غزہ وحماس

حماس کا اسرائیلی حملوں میں اپنے 90 کارکنوں کی ہلاکت کا اعتراف

پہلی اشاعت: آخری اپ ڈیٹ:

فلسطینی تنظیم ’حماس‘ کےغزہ میں پولیٹیکل بیورو کے سربراہ یحییٰ السنوار نے کہا کہ مئی کے دوران اسرائیلی فوج کی غزہ کی پٹی پربمباری میں جماعت کے 90 کارکن ہلاک اور 3 فیصد سرنگیں تباہ ہوئی ہیں۔

السنوار نے ٹیلیویژن پر اپنے ایک خطاب میں اسرائیلی ریاست کے دارالحکومت تل ابیب کو حملوں کا نشانہ بنانے کی ایک بار پھر دھمکی دی۔ان کا کہنا تھا کہ حماس نے تل ابیب کو نشانہ بنانے کا سمندر میں کامیاب تجربہ کیا تھا مگر اس تجربے پرعملی کارروائی نہیں کی گئی۔

منگل کے روز ذرائع نے العربیہ اور الحدث کو بتایا کہ مصر فلسطینیوں اور اسرائیلی فریقین کے مابین قیدیوں کے تبادلے کی ڈیل کرانے اور معاہدے کے معاشی و سیاسی پہلوئوں پرکام کررہا ہے۔

ذرائع نے کہا کہ حماس نے قیدیوں کے تبادلے کے معاہدے میں مروان برغوثی کو ابتدائی فہرست میں شامل کرنے کی درخواست کی تھی جبکہ اسرائیل کو اس بارے میں تحفظات ہیں۔