.

سعودی عرب:عدالتوں میں زیرسماعت کیسز کی 46 ہزارسماعتوں کا ترجمہ

پہلی اشاعت: آخری اپ ڈیٹ:

سعودی عرب کی وزارت انصاف نے انکشاف کیا ہے کہ اپریل 2019ء کو ترجمہ مرکز کے قیام کے بعد عدالتوں میں زیر سماعت کیسوں کی 46 ہزار سماعتوں کا 18 مختلف زبانوں میں ترجمہ کیا گیا۔ یہ سہولت غیرعرب شہریوں کے لیے ہے جو عربی زبان سے واقف نہیں اور سعودی عرب کی عدالتوں میں ان کے کیسز چل رہے ہیں۔

وزارت انصاف کی طرف سے جاری بیان میں کہا گیا ہے کہ ترجمہ مرکز غیرعرب شہریوں کے کیسز کو مسلسل فالو کررہا ہے اور دوسری زبانیں بولنے والے افراد کے کیسز کی سماعتوں کو 18 زبانوں میں ترجمہ کی سہولت پیش کرتا ہے۔

سعودی عرب کی سرکاری پریس ایجنسی ’ایس پی اے‘ عدالتوں کی جانب سے قائم کردہ ترجمہ مرکز میں ترجمہ کی ذمہ داری انجام دینے والے افراد کی پیشہ وارانہ بنیادوں تربیت دی جاتی ہے اور انہیں باریک قانونی اور عدالتی اصطلاحات سمجھائی جاتی ہیں۔

ایس پی اے کے مطابق سعودی عرب کی عدالتوں میں کیسز کی سماعتوں کےدوران ایتھوپیائی، اردو، بنگالی، پشتو، فلپائنی اور ہندی زبانوں میں ترجمہ کی سہولت فراہم کی جاتی ہے۔