سعودی عرب نے فرانس کے 3 علاقوں سے گوشت اور انڈوں کی درآمد پر پابندی عاید کر دی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں فوڈ اینڈ ڈرگ اتھارٹی نے برڈ فلو کے پھیلاؤ کے خطرے کے پیش نظر جمہوریہ فرانس کے تین علاقوں لینڈز،پیرینیز اٹلانٹک اور گیرس سے گوشت انڈے اوران کی مصنوعات کی درآمد پر عارضی پابندی عائد کرنے کا فیصلہ کیا ہے۔

اتھارٹی نے منگل کے روز ایک بیان میں کہا ہے کہ پابندی کا فیصلہ ان علاقوں میں انتہائی پیتھوجینک ایوی انفلوئنزا کے نئے پھیلنے کے اورعالمی ادارہ برائے تحفظ حیوانات [OIE] کی طرف سے جاری کردہ رپورٹ کا جائزہ لینے کے بعد کیا ہے۔

اتھارٹی نے مرغی کے گوشت ، انڈوں اور ان کی برڈ فلو کے خطرات سے محفوظ مصنوعات کوعارضی پابندی کے فیصلے سے مستثنیٰ قرار دیا ہے ، بہ شرطیکہ وہ صحت کے تقاضوں اور معیارات پر پورا اتریں۔ اس حوالے سے فرانس کی جانب سے خصوصی سرٹیفکیٹ دینا ہوگا تاکہ اس بات کی تصدیق ہو سکے کہ یہ مصنوعات صحت کے لیے مضر نہیں ہیں۔

مقبول خبریں اہم خبریں

مقبول خبریں