.

سعودی عرب : سینی ٹائزیشن کے بعد 5 مساجد کو دوبارہ کھول دیا گیا

پہلی اشاعت: آخری اپ ڈیٹ:

سعودی عرب میں اسلامی امور و دعوت و ارشاد کی وزارت نے مملکت میں 5 مساجد کو دوبارہ سے کھول دیا ہے۔ تین صوبوں میں واقع ان مساجد کو کرونا وائرس کی روک تھام کے سلسلے میں احتیاطی تدابیر کے تحت عارضی طور پر بند کر دیا گیا تھا۔

گذشتہ 150 روز کے دوران میں 1772 مساجد کو سینی ٹائز کر کے نمازیوں کے لیے تیار کر دیا گیا۔ اس اقدام کا مقصد اللہ کے گھروں کا رخ کرنے والوں کی سلامتی کو یقینی بنانا ہے۔

سعودی وزارت نے واضح کیا کہ جن مساجد کو سینی ٹائزیشن کے بعد دوبارہ سے کھولا گیا ہے ان میں دو ، دو مساجد ریاض اور الشرقیہ صوبوں میں اور ایک مسجد جازان صوبے میں واقع ہے۔