کرکوک میں داعش کا حملہ، 4 عراقی فوجی ہلاک

عراق میں داعش تنظیم نے کرکوک صوبے کے مغرب میں فوج کے ایک چیک پوائنٹ پر حملہ کر دیا۔ یہ بات ہفتے کے روز عراقی سیٹلائٹ چینل "السومریہ" نے سیکورٹی ذرائع کے حوالے سے بتائی۔

حملے کے نتیجے میں 4 عراقی فوجی ہلاک ہو گئے۔ مزید تفصیلات دستیاب نہیں ہو سکیں۔

پیر کے روز عراقی حکام نے داعش تنظیم کا ایک سابق کمانڈر گرفتار کیا تھا۔ وہ دہشت گرد تنظیم میں " آئل کمیٹی" کے سربراہ کے طور پر کام کرتا تھا۔ یہ خطر ناک دہشت گرد "ابو يوسف" کی نیت سے مشہور تھا۔ وہ موصل شہر میں دھماکا خیز آلات کی منتقلی کا ذمے دار تھا۔

اس داعشی ذمے دار نے اعتراف کیا ہے کہ وہ موصل کے اولڈ سٹی کو آزاد کرائے جانے کے معرکے میں زخمی ہو گیا تھا۔