سعودی عرب: کرونا کی دو خوراکیں لگوانے والے طلبا کو اسکول آنے کی اجازت

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب میں وزارت تعلیم اور صحت نے 12 سال اور اس سے زائد عمر کے تمام طلباء اور تعلیمی عملے کی کرونا ویکسین کی دو خوراکیں لگوانے کی شرط پر تعلیمی اداروں میں واپسی کی اجازت دے دی ہے۔

وزارت تعلیم کی طرف سے جاری ایک بیان میں 12 سال سے زیادہ عمر کے تمام طلباء اور تعلیمی شعبے میں کام کرنے والوں پر زور دیا کہ اگست کے آخر میں نئے تعلیمی سال کے آغاز سے پہلے "محفوظ واپسی" کے لیے ویکسین لازمی لگوائیں۔

دونوں وزارتوں نے ایک مشترکہ بیان میں یہ بھی کہا کہ تازہ ترین سختی اگلے تعلیمی سال کے لیے حاضری کی واپسی کی تیاری اور تعلیمی عملے کی حفاظت کو برقرار رکھنے کے لیے کی گئی ہے۔

بیان کی تفصیلات میں کہا گیا ہے ہے کہ دونوں وزارتوں نے یونیورسٹی کے طلباء اور جنرل آرگنائزیشن فار ٹیکنیکل اینڈ ووکیشنل ٹریننگ کے علاوہ 12 سال سے زائد عمر کے تمام طلبا اور طالبات اور تعلیمی شعبے میں کام کرنےوالے عملے کی مکمل ویکسینیشن کی ضرورت پر زور دیا گیا ہے۔

بیان میں شامل گروہوں پر زور دیا گیا کہ وہ ویکسین کی پہلی خوراک حاصل کرنے میں تیزی لائیں اور دوسری خوراک 29 اگست 2021 کو تعلیمی سال شروع ہونے سے پہلے مکمل کریں تاکہ ان کے درمیان تین ہفتوں کا وقت مل سکے۔

مقبول خبریں اہم خبریں