سوشل میڈیا پر نوجوانوں کے ایک گروپ کی وڈیو اور چند تصاویر گردش میں آئی ہیں جن میں یہ افراد سعودی عرب میں فیفاء کی پہاڑیوں کے بلند مقامات کے کناروں پر اپنی گاڑیاں کھڑی کرنے کی مہارت دکھا رہے ہیں۔ فیفاء ضلع مملکت کے صوبے جازان میں واقع ہے۔
مذکورہ وڈیو میں نوجوانوں کو دیکھا جا سکتا ہے کہ انہوں نے اپنی گاڑیوں کو گہری کھائی کے کنارے کھڑا کر کے ان کے کچھ حصہ باہر کو نمایاں کر دیا۔ اس کے بعد وہ گاڑیوں کے باہر نکلے ہوئے حصے پر بیٹھے ہیں۔ ان مناظر کو دیکھ کر انسان کو سانس رکتا محسوس ہوتا ہے۔
وڈیو پر مختلف ردود عمل سامنے آئے ہیں۔ بعض لوگوں نے ان نوجوانوں کی اعلیٰ مہارت کو سراہا ہے جب کہ بعض دیگر صارفین کے نزدیک یہ ایک غیر ذمے دارانہ حرکت ہے اور ان افراد کا محاسبہ ہونا چاہیے۔
