سعودی عرب میں کھجور کی آن لائن مارکیٹ کے قیام کا اعلان

کھجورکی عالمی اسٹاک مارکیٹ کا جلد قیام عمل میں لایا جائے گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب میں دو ہفتوں کے اندر اندر کھجور کی آن لائن مارکیٹ کا قیام عمل میں لانے کا فیصلہ کیا گیا ہے۔ جلد ہی سعودی عرب میں کھجور کی عالمی اسٹاک مارکیٹ کا بھی قیام عمل میں لایا جائے گا۔

قصیم کھجور فیسٹیول کے چیف ایگزیکٹو خالد النقیدان نےکہا کہ مُملکت اگلے دو ہفتوں کے دوران کھجور کے لیے سب سے بڑی الیکٹرانک مارکیٹ کا آغاز کرے گی اور وزارت تجارت کے زیرانتظام اس کے لیے عالمی اسٹاک ایکسچینج کا قیام بھی عمل میں لایا جائے گا۔

انہوں نے "الاخباریہ" چینل پر نشر ہونے والے "الیوم" پروگرام میں گفتگو کرتے ہوئے کہا کہ قصیم کجھور میلے کی سرگرمیوں کے بارے میں تفصیلات بیان کیں۔انہوں نے شہریوں اور کجھور میلے میں شہریوں کی طرف سے بڑھ چڑھ کر حصہ لینے کو خوش آئند قرار دیا۔ ان کا کہنا تھا کہ 1500 کاروں پر شہری کجھوریں لے کرمیلے میں شریک ہوئے ہیں۔

خالد النقیدان نے مزید کہا کہ میلے کے انعقاد کے ساتھ کرونا کے تمام ضروری احتیاطی تدابیر اختیار کی گئی ہیں تاکہ میلے میں شرکت کرنے والے کسی قسم کی پریشانی کے بغیر اطمینان کے ساتھ میلے میں شرکت کریں۔

مقبول خبریں اہم خبریں

مقبول خبریں