.
غزہ وحماس

مصر نے غزہ میں کشیدگی پر رفح کراسنگ بند کر دی

پہلی اشاعت: آخری اپ ڈیٹ:

مصری حکومت نے غزہ کی کشیدہ صورتحال کے سبب سرحدی راہداری رفح کراسنگ کو غیر معینہ مدت کے لئے بند کر دیا ہے۔

برطانوی خبر رساں ایجنسی رائیٹرز کے مطابق مصری سکیورٹی ذرائع کا کہنا ہے کہ تاحکم ثانی رفح کراسنگ کو بند کر دیا گیا ہے۔ ادھر دوسری جانب حماس نے بھی تصدیق کی ہے کہ مصرنے تفصیلات بتائے بغیر رفح کراسنگ بند کرنے کے فیصلے سے آگاہ کیا ہے۔

مصری ذرائع نے بتایا کہ کراسنگ کو بند کرنے کا فیصلہ اسرائیل اور حماس کے درمیان جاری کشیدہ صورتحال کے نتیجے میں اٹھایا گیا۔ہفتے کے روز اسرائیلی فورسز اور حماس کے درمیان جھڑپیں جاری رہیں جن میں ایک اسرائیلی فوجی اور 41 فلسطینی شہری زخمی ہوئے۔ جس کے بعد اسرائیل نے غزہ پر تین میزائل داغے۔

رفح کراسنگ غزہ اور مصرکے درمیان موجود واحد زمینی گزرگاہ ہے۔اسرائیل اور مصر سیکیورٹی وجوہات کی بناء پر غزہ کے ساتھ موجود سرحد پر کڑا پہرا رکھتے ہیں۔غزہ کے شہری صرف مصر کے ذریعے سے ہی دوسرے ممالک کا سفر کر پاتے ہیں۔