مبھوت کرنے والے چہار جہتی ڈرائنگ کے شاہکار تخلیق کرنے والا سعودی فنکار

سعودی عرب میں فائن آرٹ کے ایک آرٹسٹ نے مسحور کن چار جہتی ڈرائنگ تخلیق کر کے عرب دنیا میں سوشل میڈیا صارفین اور فن کے مداحوں کی توجہ حاصل کر لی ہے۔ سعودی آرٹسٹ نے کمال مہارت کے ساتھ ایک ایسی ڈرائنگ تیار کی ہے جس کے چاروں کونے برابر ہیں اور اس چکور پینٹنگ میں اس نے خادم الحرمین الشریفین اور ولی عہد شہزادہ محمد بن سلمان کا عکس تیار کیا ہے

آرٹسٹ محمد الحربی نے بیچلر آف آرٹ ایجوکیشن کی ڈگری لینے کے بعد پینٹنگ، مٹی کے برتنوں پر آرٹ بنانے ، سلائی، کڑہائی، بنائی، قالین بافی کے متعدد تعلیمی کورسز کیے ہیں۔ العربیہ ڈاٹ نیٹ سے بات کرتے ہوئے انہوں نے بتایا کہ ان ’پاپ آرٹ‘ نامی جدید چوکور پینٹنگ کی تیاری میں پورا ایک مہینہ صرف ہوا۔ اس سفر میں انہوں نے تمام رکاوٹیں پار کیں۔ انہوں نے گرافکس کی پچھلی جانب سے بھی ڈرائنگ کا منظر یقینی بنانے کے لیے سوئچنگ کے حوالے سے تمام رکاوٹیں دور کیں اور اس پر تھری ڈی پینٹنگز کی طرح کام کیا گیا۔

محمد الحربی کا کہنا ہے کہ آرٹسٹ کے فنکارانہ احساس کا اس کے الہام پر اثر پڑتا ہے جس کے نتیجے میں وہ منفرد اور مخصوص فن پارے پیش کرنے کے قابل ہوتا ہے۔ اس کی خواہش تھی کہ وہ ایک ایسی ہی ڈرائنگ تیار کرے جو چوکور ہو اور پینٹنگ کے لیے میں نے فخریہ طور پر شاہ سلمان اور شہزادہ محمد بن سلمان کی تصویر کا انتخاب کیا۔

آپ کو میرے سوشل میڈیا اکاؤنٹس پر حیرت انگیز خیالات پر مبنی فن پارے ملیں گے۔ ان میں بیک وقت دونوں ہاتھوں سے تیار کردہ نمونہ آرٹ کے ساتھ منہ اور پیروں کی مدد سے بنائے گئے فن پارے بھی دیکھنے کو ملیں گے۔ ان میں پینٹنگ کے پیچھے ڈرائنگ اور حالیہ چہار جہتی سٹائل میں ڈرائنگ تازہ ترین نمونہ فن ہے۔

میں کسی فنکار کا ایسا کام نہیں دیکھا، یہی وجہ ہے کہ میرے سر میں یہ سب کرنے کا سودا سمایا ہوا تھا۔ میں لوہے کی ایسی ٹیوب لیں جن کے چار کونے تھے اور میں نے ہر کونے پر نئی ڈرائنگ تخلیق کی۔ میں سفید، سیاہ اور سلور رنگ استعمال کرتا ہوں۔