سعودی عرب نے لبنان سے منشیات کی اسمگلنگ کی کوشش ناکام بنا دی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کی وزارت داخلہ کا کہنا ہے کہ حکام نے لبنان سے بھیجی جانے والے منشیات کی بھاری مقدار قبضے میں لے کراسے دوسرے ملک کو اسمگل کرنے کی کوشش ناکام بنا دی۔

وزارت داخلہ کے ترجمان برائے سیکیورٹی امورکرنل طلال الشھلوب نے آج جمعرات کو بتایا کہ لبنانی دہشت گرد تنظیم حزب اللہ سے منسلک منشیات گینگ کی طرف سے سعودی عرب کے راستے ایم فیٹامین منشیات کی451،807 گولیاں وفاقی جمہوریہ نائیجریا کو بھیجی جا رہی تھیں۔ منشیات کو مشینوں کے آلات اور ان کے پرزوں میں چھپایا گیا تھا۔

Advertisement

سیکیورٹی ترجمان نے وفاقی جمہوریہ نائیجیریا کے حکام کی طرف سے منشیات پکڑنے کی کارروائی میں مثبت تعاون کی تعریف کی۔

سعودی خبر رساں ادارے ’ایس پی اے‘ کے مطابق مملکت مجرمانہ سرگرمیوں کی روک تھام اور منشیات جیسے مکروہ دہندے میں ملوث عناصر کی روک تھام کے لیے کوششیں جاری رکھےگی۔ وزارت داخلہ نے عوام الناس پر زور دیا ہے کہ وہ منشیات کی اسمگلنگ کی مشکوک سرگرمیوں پرنظررکھیں اور ایسی کسی بھی مجرمانہ کوشش پر مجازحکام کو مطلع کریں۔

خیال رہے کہ گذشتہ جون میں سعودی وزارت داخلہ نے اعلان کیا تھا کہ اس نے لبنان سے آنے والی آئرن پلیٹوں کی کھیپ میں 14.4 ملین نشہ آور گولیاں اسمگل کرنے کی کوشش ناکام بنا دی تھی۔ 23 اپریل کو پتا چلا تھا کہ لبنانی حزب اللہ سبزیوں اور پھلوں کے ذریعے منشیات کی اسمگلنگ کررہی ہے۔ اس انکشاف کے بعد مملکت نے لبنان سے سبزیوں اور پھلوں کے داخلے یا ٹرانزٹ پر پابندی عاید کردی تھی۔ یہ فیصلہ اس وقت کیا گیا تھا جب سبزیوں اور پھلوں کی گاڑیوں کے ذریعے منشیات کی بیس لاکھ گولیاں ضبط کی گئی تھیں۔

سعودی عرب نے اس مسئلے پر تبصرہ کرتے ہوئے منشیات کو مملکت کی سلامتی کےلیے ایک سرخ لکیرقرار دیا تھا ہے۔

مقبول خبریں اہم خبریں

مقبول خبریں