سعودی عرب کے حکام نے القصیم کے علاقے میں ایک گاڑی چُرا کر دو خواتین کو ٹکر مارنے والے شخص کو گرفتار کر لیا ہے۔
سوشل میڈیا پر وائرل ویڈیو کے مطابق ایک شخص سڑک کنارے کھڑی گاڑی کی کھڑکیوں سے جھانکتے ہوئے دیکھا جاسکتا ہے۔ جب وہ گاڑی کی چابیاں لگی دیکھتا ہے تو جھٹ سے اس میں سوار ہو کر اسے چُرا لیتا ہے۔
القصیم پولیس کے ترجمان لیفٹیننٹ کرنل بدر السحیبانی کے مطابق پولیس نے سی سی ٹی وی کیمرہ کی فوٹیج کا سہارا لیتے ہوئے چوری شدہ گاڑی کا سراغ لگایا اور گاڑی چرانے والے مقامی شخص کو حراست میں لے لیا۔
ایک اور فوٹیج میں دیکھا جاسکتا ہے کہ القصیم کے علاقے میں یہی گاڑی سڑک کراس کرنے والی دو خواتین کو ٹکر مارتے ہوئے فرار ہو جاتی ہے۔
پولیس ترجمان کے مطابق ملزم سعودی شہری ہے اور اس کی عمر 30 برس سے زیادہ ہے۔ اس موقع پر حادثے کی شکار خواتین کی مزید تفصیلات نہیں بتائیں گئی۔
