.

برطانیہ کی آئندہ سال ریاض میں عالمی دفاعی نمائش میں شرکت کی تصدیق

پہلی اشاعت: آخری اپ ڈیٹ:

برطانیہ نے مارچ 2022 میں ریاض میں ہونے والی عالمی دفاعی نمائش میں شرکت کی تصدیق کی ہے۔ نمائش کا انعقاد ’سعودی جنرل اتھارٹی فار ملٹری انڈسٹریز‘ کی جانب سے کیا جائے گا۔ اس حوالے سے ADS گروپ کو نمائش میں برطانیہ کے خصوصی پویلین کی انتظامی ذمے داریاں سونپی گئی ہیں۔ یہ گروپ ہوابازی، دفاع، سیکورٹی اور خلا سے متعلق صنعت کے شعبے میں 1100 سے زائد برطانوی کمپنیوں کی نمائندہ ’انڈسٹریل اتھارٹی‘ ہے۔

نمائش میں اپنا پویلین بُک کرنے والے دیگر ممالک کی فہرست میں امریکا، چین، فرانس، ہسپانیہ، اطالیہ، اسٹونیا، بلغاریہ، پرتگال، جنوبی کوریا اور یوکرین شامل ہیں۔

آئندہ سال 6 سے 9 مارچ تک ہونے والی اس نمائش میں شرکت کا مقصد دفاعی نظام اور مقامی و علاقائی سیکورٹی کے ضمن میں تعاون اور مملکت میں عسکری صنعت کے شعبے میں سرمایہ کاری کو فروغ دینا ہے۔